O Director Xeral de Orientación e Promoción Laboral da Xunta de Galicia José Alfonso Marnotes González e o Xefe Territorial da Consellería de Economía, Emprego e Industria, Santiago Álvarez;  visitaron hoxe as instalacións de APETAMCOR no Polígono Industrial de San Cibrao das Viñas, para coñecer presencialmente os participantes do Programa Integrado de Emprego de Galicia, INSERLOGIC 4.0, que APETAMCOR está desenvolvendo subvencionado pola Xunta de Galicia.

INSERLOGIC 4.0 é un programa que procura a inserción laboral no sector do transporte e a loxística de mozos/as menores de 30 anos e de baixa cualificación,  que se estenderá ata novembro deste ano e inclúe a programación de accións e actuacións destinadas a mellorar a empregabilidade dos participantes: orientación e asesoramento laboral individualizado para os participantes, prospección de empresas, intermediación e acompañamento na procura de emprego, obradoiros de motivación, coaching, habilidades sociolaborais e empregabilidade, formación en novas tecnoloxías e idiomas, e destacando a formación para o emprego específica no sector transporte e a loxística. Así os participantes no programa cualificaranse como condutores profesionais e  moz@s de carga e descarga e carretiller@s. O obxectivo deste programa é alcanzar unha inserción do 39%.

APETAMCOR é unha organización empresarial preocupada pola incorporación ó sector de persoas mozas que garantan a continuidade futura de profesionais formados cubrindo as necesidades das nosas empresas, e por tanto ten desenvolto nos últimos anos diversos programas de formación e inserción laboral que perseguen ese fin. En concreto, os programas de emprego desenvueltos por esta entidade nos últimos tres anos conseguiron a de máis de cen persoas no mercado laboral.

0 comentarios

Dejar un comentario

¿Quieres unirte a la conversación?
Siéntete libre de contribuir!

Deja un comentario

Tu dirección de correo electrónico no será publicada. Los campos obligatorios están marcados con *