Medidas urxentes que esixe Apetamcor ao Goberno para frear o paro
- Bonificación inmediata dun mínimo de 40 céntimos, a recibir mensualmente coa devolución do gasóleo profesional.
- Intervención inmediata dos prezos do carburante por parte do Goberno para impedir alzas no prezo do combustible coma as dos últimos meses.
- Actualización inmediata do Observatorio de Custos do Transporte.
- A revisión da fórmula da indexación do prezo do combustible no prezo do porte, xa que o custo do gasóleo representa actualmente unha porcentaxe superior ó 30% na partida de gastos dunha empresa de transporte de mercadorías por estrada. Así coma o compromiso do Goberno do cumprimento desta norma.
- O cumprimento da Lei que prohibe o pago a máis de 60 días, conforme establece a Lei 3/2004 do 29 de decembro (Réxime Sancionador Lei 13/2021 do 1 de outubro)
- Seguimento da prohibición da carga e descarga por parte do condutor, conforme ao RDL 3/22 do 1 de marzo, que establece a súa entrada en vigor o 2 de setembro de 2022.
- Seguimento do Goberno da nova normativa dos tempos de paralización, cuxo tempo máximo de espera se reduce de 2h a 1h, conforme ao RDL 3/22 do 1 de marzo.
*En canto ao resto de medidas que reivindica o sector, deixamos constancia de que seguiremos loitando por acadalas en beneficio dos nosos socios e do sector ao que representamos.