Aberto o prazo para solicitar as axudas para o achatarramento de vehículos
- Están dirixidas ao achatarramento de vehículos, á adquisición de vehículos de enerxías alternativas baixas en carbono ou á modificación da forma de propulsión, así como á implantación de infraestruturas de recarga eléctrica.
- O prazo para a presentación de solicitudes estará vixente ata o 30 de abril de 2024.
A Consellería de Infraestruturas e Mobilidade convocou as axudas para a transformación de frotas de transporte de viaxeiros e mercadorías de empresas privadas de servizos de transporte por estrada, dotadas cun orzamento de 12.433.884 euros.
Contía das axudas
- Achatarramento de vehículos → 5.595.248€
- Adquisición de vehículos de enerxías alternativas baixas en carbono → 5.470.909€
- Actividades de “retrofit”ou modificación da forma de propulsión de vehículos → 621.694€
- Implantación de infraestrutura de recarga de vehículos eléctricos → 621.694€
- Adquisición de semirremolques para autoestradas ferroviarias → 124.338€
*O orzamento poderá ser redistribuído pasados tres meses desde a apertura do prazo de solicitudes para adaptarse á evolución das axudas solicitadas en cada unha das actividades que comprende o programa.
Destinatarios
| CATEGORÍA DE VEHÍCULO | ACHATARRAMENTO: Importe unitario da subvención (€) | ||
| Vehículo Euro V ou EEV | Vehículo Euro IV ou Euro III | Vehículo Euro II ou máis antigo | |
| Vehículos lixeiros N2 MMA > 3´5 Tn < 12 Tn | 12.000 | 5.000 | 2.500 |
| Vehículos pesados N3 MMA < 16 Tn | 15.000 | 7.000 | 3.000 |
| Vehículos pesados N3 MMA > 16 Tn | 20.000 | 10.000 | 5.000 |
*Os vehículos Euro VI están excluídos destas axudas, sendo a normativa EEV aplicada pola Directiva 1999/96/CE e introducindo medidas relativas á creación dun novo concepto de vehículos ecolóxicos avanzados, denominados EEV (Enhanced Environmentally Friendly Vehicles)
Presentación de solicitudes
O prazo para a presentación de solicitudes destas axudas estará vixente ata o 30 de abril de 2024, coa excepción das axudas destinadas á implantación de infraestrutura de recarga de vehículos eléctricos, que finalizará o 31 de decembro de 2023.
Para a presentación das solicitudes poderá empregarse calquera dos mecanismos de identificación e firma admitidos pola sede electrónica da Xunta de Galicia, incluído o sistema de usuario e Chave 365.
